旅遊攻略 - 金澤 （21世紀美術館）
好不容易終於黎到北陸地區旅遊攻略既最後一集，今日我哋要介紹嘅就係21世紀美術館。如果大家有留意，之前都有講過金澤係一個比舊古舊嘅城市，所以先令到呢一個美術館特別有趣。
一般人諗起美術館，都覺得係非常古板。但係呢個美術館好唔同，風格非常嶄新，佢嘅外型係好似一個UFO, 而且成個外牆都係用玻璃造成。係美術館外邊，都已經擺放左幾個好有現代感嘅裝置。呢一個美術館嘅展品同一般美術館嘅好唔同，好多都可以給遊客捉摸體現嘅美術作品。個美術館有分免費區同埋美術館區，其中免費區可以特別留意一個作品。望落去俾人感覺好似有好多人企喺泳池嘅水底，都幾特別架。呢個美術館嘅作品，好多都要遊客去思考佢背後嘅意思，我覺得絕對值得參觀。
係美術館入面，有一個紀念品售賣處，絕對值得你花時間去參觀。佢嗰度出售的紀念品，好多都係非常有創意嘅裝飾用品，或者係服飾類嘅產品。最得意嘅係，如果你行程緊密，冇乜時間去行街購物，其中一間紀念品售賣處連香港人好鍾意嘅牌子嘅衫都有得賣。
一連七集嘅北陸地區旅遊攻略已經完滿結束，多謝大家嘅支持。我哋將會為大家繼續提供更加多嘅吃喝玩樂資訊，希望大家繼續支持。
Search